منتدى الفرح المسيحى - انت تستاهل تحب و تتحب ♥️

https://upload.chjoy.com/uploads/16262963144771.jpg

بنتي كانت دائما تحب تتفرج علي كارتون او تلعب علي ال IPad

فجأه لقيت اهتمامها اتغير و عايزه تبعت رسايل لاصحابها
و بقت تفرح جدا بالرسايل اللي بتجيلها..

اللي بنتي فيه هو ده الطبيعي هو ده ال software
اللي ربنا نزلوا فينا ..
اننا نحب و نتحب
اننا نحس ان اقرب الناس لينا بيحتاجونا زي ما بنحتاجهم
اننا نلاقي ناس مركزه في تفاصيلنا و عارفه اذواقنا

لما تحاول تموت الاحتياج ده عندك و تدرب نفسك انك ماتحتجش اللي حواليك و تتمرن علي انك تلاقي سعادتك في شويه اشياء يبقي ده عكس ال software اللي ربنا ميزنا بيه.

افتح قلبك
صحيح لما تفتحه ساعات كتير بيتألم بس في الاخر بيبقي حي

لكن لو قفلته تبقي بتكتب عليه انه مات

انت تستاهل تحب و تتحب ♥️
🙏