منتدى الفرح المسيحى

https://upload.chjoy.com/uploads/16261879465271.jpg

متحزنش على خيابات الامل فى الاشخاص
متحزنش على سراب القرب من اللى حواليك وزيف القلب اللى قدامك
متحزنش على المسافات فى العلاقات
متحزنش على المواقف الباردة والكلمات الصعبة
متحزنش على غياب قوة الوجود واثره
متحزنش على غياب دفا الكلام وصدقه
متحزنش على القرب اللى بقى شبه الغربة
متحزنش على القيود والفتور وفقدان العمق فى التفاصيل
كل دة احتفظ بيه جواك ... ومن غير ما تحزن
ومن غير ما تسمح لنفسك بالاحساس بالهزيمة ... باليأس .. بفقدان الامل
انتا مش اعزل فى المواجهة وانت مش لوحدك فى الصراع
الله لديه من الادوات الكافية وطرق السند المختلفة
اللى هتخليك تشوف النور فى وسط العتمة
تحس الدفا فى عز البرد .. تلمس طريق فى عز التوهة
ولان فى لسه قلوب صادقة فى الاهتمام .. مؤمنة بالمحبة
مقدرة قيمة وجودك ... حاسة بصراعك .. ساندة لقلبك
شايفة تفاصيلك .. مش بتدور على مبررات للهروب او للاختفاء او للتقصير او للتغيير
بتدور بس على انها تبقى معاك
فقلوبهم بتكون اداة من ادوات الله فى المواجهة عشان روحك تنتصر
وهيفضل المعيار الحقيقى
الانصات باهتمام وبعمق لصوت ربنا فى التفاصيل .. المواقف والازمات ..