منتدى الفرح المسيحى

https://upload.chjoy.com/uploads/162547602656951.jpg

في ال ٢٤ ساعة تقدر تخصص قد ايه لابنك المراهق؟؟
⏳ لاعب الشطرنج المحترف بياخد وقته في التفكير للخطوة الجاية في لعبته، وبيحط استراتيجيات في دماغه عشان يحسب كل خطوة بياخدها تأثيرها إيه على اللي قدامه وهتكسبه ولا هتخسره.
⏳ مدرب كرة القدم المحترف بياخد وقته في وضع الخطة المناسبة ليه ولفريقه، وبيتابع تحركات وتكتيكات الفريق المنافس عشان يقدر يعرف كل تفصيلة كبيرة وصغيره عنه، وعلى أساسها يقدر يتعامل معاه ويكسبه.
⏳ حتى في شغلك بتاخد وقتك مع الفريق بتاعك عشان تحط خطة ورؤية الشركة المستقبلية وتدرس السوق كويس.
كل دي أفعال وخطط مختلفة بتحتاج وقت ومجهود وفكر عشان الواحد يقدر يوصل لمستوى النجاح اللي بيتمناه 🌸
ده بالظبط هو اللي مطلوب منك كأب أو كأم 🌸
👈إنك تخصص جزء من وقتك وفكرك لابنك المراهق.
☀️ ابنك المراهق عامل زي النبات بالظبط محتاج منك رعاية ووقت خاص بشكل يومي، ولو أهملته أو تجاهلته، مشاعره ناحيتك هتجف وتدبل ولونه ينطفي.
☀️ ساعات كتير الدنيا بتاخدنا وننسى إن أولادنا محتاجين اهتمامنا وحبنا اكتر من حاجتهم للأشياء المادية أو توفير حياة مرفهة ليهم فقط.
ومتنساش الوقت يكون وقت فعال مش وقت وخلاص
☀️لإن ساعات كتير بنكون مع ولادنا وقت طويل جدآ، بس طول الوقت ده عمرنا ما حاولنا نفهم مشاعرهم أو اهتماماتهم ولا نفهم هم عاوزين إيه ❗