منتدى الفرح المسيحى - المراهق عاوز ايه من أهله؟

💥 المراهق عاوز ايه من أهله؟

https://upload.chjoy.com/uploads/162547538424841.jpg
✨ أنا لسه ماكبرتش كفاية، مش معنى إني بقيت أعرف آكل وأذاكر وأنام لوحدي يبقى كبرت 🥺
✨ وجودكم في حياتي بقى ضرورة ليا أكتر من الأول.
✨ احتياجي ليكم أكبر من مجرد لبس جديد وأكلة حلوة.
✨ الحب والتشجيع والتفهم هم مفاتيحي لأبواب الحياة المقفولة، والشموع اللي بتنور طريقي عشان أكمل وماقعش.
👈 تفتكر لو ده كان لسان حال ابنك، هتحس بإيه؟ 😩
🌟 إنك أديت واجبك وخلصت؟ ولا إنك واقف بعيد ومش عارف توصل له؟
🌟 مرحلة المراهقة هي أصعب مرحلة ممكن يمر بها الإنسان في حياته، ما بين دراسته وأسرته وأصدقائه وبين النمو الجسدي السريع والتغيرات العاطفية اللي بيحس بيها وبتسبب له ارتباك وعدم راحة.
👈 عشان كده لازم تعرف إن دورك ناحية طفلك ضرورة مش رفاهية، دورك هو الحب والدعم مش المراقبة وتصيد الأخطاء.
🌟 في أربع نقاط افهم ابنك المراهق وحسسه بالأمان:
1️⃣ الحب ♥️
«بحبك».. تخيل إن الكلمة دي لسه نفسه يسمعها؟!
وإنها زي السحر اللي بيوفر له الطاقة والحافز إنه يكمل؟!
2️⃣ الوقت ⏳
غدوة حلوة مع ابنك وساعة سمر على رواقة واحدة من أولويات ابنك، اوعى تتخدع بإنه عايز يقضي طول الوقت مع صحابه من غيرك.
3️⃣ الاهتمام 👪
عايز النبتة بتاعتك تكبر؟
ارويها كل يوم واديها اهتمام.
طور علاقتك بابنك وحسسه إنه مهم بالنسبة لك.
4️⃣ احترم اختياراته 🙋
المراهقة هي فترة الاختيار، هيختار دراسته وكليته.. صحابه وهواياته..
خليك جنبه وادعمه، بس مافيش مانع ياخد حرية الاختيار في بعض الأمور.