منتدى الفرح المسيحى - عايز مية جديدة

https://upload.chjoy.com/uploads/162535294542251.jpg

وقفت أفكر في المية💦 ومشاهد كتير في الكتاب المقدس ورموز كتير📖:
مشهد المية اللي خارجة من تحت عتب الهيكل في حزقيال..
مشهد المية اللي عمد بيها يوحنا..
مشهد المية اللي في مرحضة خيمة الأجتماع للتطهير..
مشهد المية اللي هتشق الصحاري في أشعياء..
مشهد مياه الراحة اللي بيخدني ليها الراعي في وقت تعبي..
وكتير كتير غيرها! فكر معايا فيهم!🤔

ومع تكرار المشاهد والرموز لقيتهم بيقولوا تلت حاجات مهمة اكتشفتها:
التطهير_والتنقية لأن المية بتنضف وبتزيح كل الزبالة قدامها☺
الغمر لأن المية بتغرق وتغمر وتستر وتشيل 🙌
البركة لأن المية بتغطي على القفر والنشفان 🌱💦

عشان كده قررت تبقى صلاتي🙇🏻‍♂️ واشجعك تشترك فيها معايا
أغمرني بمية جديدة من عندك 💦
تطهرني من كل زبالة فيّ
مية تغمرني بنعمة ومسحة جديدة 😇
مية تباركني وترويني وتديني تأثير حقيقي عميق 🙌
عايز مية جديدة من عندك ليا🙏..