منتدى الفرح المسيحى - الحمدلله ان الانبا موسي الاسود ماطلعش ف زمننا دا

https://upload.chjoy.com/uploads/162508306332171.jpg

الحمدلله ان الانبا موسي الاسود ماطلعش ف زمننا دا
... اعتقد ماكناش هنرحمه!!
كنا هنفضل دايما شايفينه الحرامي الزاني مهما قدم توبة.
.مابننساش احنا
كنا لو شوفناه بقي راهب هنصوت
ونقول ازاي الحرامي الزاني دا تعملوه راهب..
كنا هنفضل نعايره ببلاويه و نفكره دايما اننا انضف منه لحسن ينسي نفسه...
و لو كنا سمعناه بيقول وعظة ولا كلمة منفعة من اللي غيروا الوفات..هنفكره بأصله واننا مش عبط عشان يتضحك علينا بالمسكنة دي
كنا كفرناه و ندمناه ع اليوم اللي فكر يتوب فيه!!

الحمدلله ان الانبا موسي الاسود و بولس الرسول و مريم المصرية و بئيسة التائبة و كل اللي رجعوا لربنا...مارجعوش ف زمننا دا
و ربنا يعين اللي زيهم لما هيعوزوا يرجعوا ويتوبوا !!