زوادة اليوم : الصداقة الحقيقية

الصداقة بمجتمعنا فقدت جوهرها صارت بالإسم صداقة و بالمضمون سطحية! شي مرة سألت حالك ليش انا اصحاب مع هالشخص؟ يمكن يكون الجواب: لأنو مهضوم، بيضحكني، بيسليني، منقضي وقت سوا، مندرس سوا، بعرفو من زمان، تعودت عليه، بيساعدني، بيسمعلي، بينصحني… هالأجوبة ما بتقنع! الصداقة الحقيقية ما بدا مبررات. الصديق الحقيقي هوي صديق و بس نقطة عالسطر! يسوع هوي المتل الوحيد عن الصديق…بيحبك مع انك اوقات ما بتكون منيح بحقو و بتزعلو، اذا بعدت عنو ما بيتركك بيضل حدك و بيساعدك عالسكت بلا ما يربحك جميلة، بيتقبلك متل ما انت بلا شروط ما بدو منك تتغير، دايما حاضر بس تعوزو و فيك تحكيه ساعة اللي بدك بالليل او بالنهار، وصلت صداقتو انو يضحي بحالو و يموت كرمالك! اذا ما لقيت صديق الك بين البشر كون اكيد انك مش وحدك يسوع معك و حدك و صديقك عا طول الإيام. الله معكن