منتدى الفرح المسيحى

https://upload.chjoy.com/uploads/162391727569081.jpg

ابقى صليلي ها! صلييييلي ..
كلمة بنقولها كتيييييير قوي ( وبقت زي اللبانه)
لو قاصدها بجد
لو عايز حد يصليلك بجد ممكن تعمل حاجة او اكتر من دول
١- شارك بحاجه ولو بسيطة ( مش سر كبير) من الموضوع او المشكلة او الطلبة اللي محتاج يتصلالك عشانها
٢- اكد على اللي بتشاركه كلمة ( ابقى صليلي) شاركه بانك تفكره بانك فعلا محتاج صلاته فا ممكن بعد كام يوم تفكره انه يصليلك
٣- ممكن تكتب ورقة صغيرة تكتب فيها ( موضوع الصلاه او الطلبه ) بكلمات مفتاحية سرية بينكم وتديه الورقة دي عشان يفتكر
٤- شاركه باي جديد حصل سواء تحسن للافضل او تقهقر لورا في الموضوع اللي طلبت عشانه الصلاة
**طيب لو حد طلب منك انت تصليله؟
- لو انت فعلا هاتعمل كده اوعده انك هاتعمل ده وحدد امتا هاتعمل ده ولما تعمل كده ابعتله رساله قوله انك صليتله
- ممكن عشان ماتنساش صلي فورا وحالا وانت معاه
- اساله اذا ينفع يشاركك ( بحاجه بسيطه ومش سر) عشان تصليليه ليها
- اسال عليه خلال الاسبوع ( بمكالمة او برساله ) عشان تطمن عليه
- ممكن تكتب نوتس وتلزقها في مكان عينك دايما بتشوفه ، فيه اسم اللي طلب صلاه ، وسبب الصلاه عشان ماتنساش تعمل كده

كلمة غاليه وعد اغلي لو طلبته او لو عدت انك تعمله
ابقى صليلي