منتدى الفرح المسيحى - اللي بينسى نفسه بيتنسي

https://upload.chjoy.com/uploads/162370684288961.jpg

لو في نصيحة اقدمها الفترة دي عن العطاء هتكون

ان ما تاكليش بواقي الأكل في بيتك (اللي بينسى نفسه بيتنسي)

لو عاملة دايت وهتاكلي اكل لوحدك يبقى وانتي بتعمليه اهتمي مش اخر حاجة نفسك تقفي تجهزي لنفسك زي ما بتجهزي لغيرك (اللي بينسى نفسه ببتنسي)

لو في بيت عيلة وعايشة دور الجدعة وبتعملي مهامك ومهام غيرك من النهاردة وبالتدريج اعملي مهامك بس ماتشليش شيلة غيرك (اللي بينسى نفسه بيتنسي)

لو عايزة تتعلمي حاجة ماتبخليش على نفسك بوقتها وفلوسها حتى لو هتقعدي فترة تجمعي في فلوسها بس بلاش تتحججي ان الدنيا لهتك وتنسي حاجة حابة تعمليها (اللي بينسى نفسه بيتنسي)

لو في يوم مش قادرة تقومي تعملي المطلوب منك قولي مش قادرة ومن جواكي عارفة ان ده حقك وشايفة ان جزء من احترامك انك تتقدري وقت التعب (اللي بينسى نفسه بيتنسي)

ماتضغطيش على نفسك لدرجة توصلي فيها للمرض النفسي .