منتدى الفرح المسيحى - مسنود على الكبير

https://upload.chjoy.com/uploads/162299089941061.jpg

الحياة صعبة بما فيه الكفاية،
ومليانة شر وتعب وخوف..
والحقيقة علشان الواحد يقدر يكمل فيها
ويعيشها بجد وبقوة وبهدف وبمعنى محتاج يتسند!
لكن كمان خبراتنا أثبتت لنا إن كل حاجة ممكن نفكر نتسند عليها
مش مضمونة حتى لغاية بكرة!
(الفلوس، الشهرة، الصحاب، شريك الحياة، حتى نفسنا!)
طب والحل ايه؟!
نتسند على الكبير.. الكبير بجد، الثابت الوحيد،
المضمون، القوي، المُهتم كمان ❤
بس يعني إيه نتسند عليه؟!
ببساطة يعني تعرفه فتُدرك قوته، تقرب منه فتشوف محبته،
يكون عندك معاه علاقة شخصية،
فتتغير وتتشكل وتتطور وشوية شوية تكون شبهه.
زمان كان في واحد إسمه شاول الطرسوسي
كان مسنود على تعليمه وقوته وسلطته.. لكنه في يوم
إتقابل مع الرب يسوع، ومن بعدها بقي مسنود عليه ،
وقال كدا ( لأَنَّنِي عَالِمٌ بِمَنْ آمَنْتُ، وَمُوقِنٌ أَنَّهُ قَادِرٌ
أَنْ يَحْفَظَ وَدِيعَتِي إِلَى ذلِكَ الْيَوْمِ." (2 تي 1: 12).
ومن ساعتها بقي عنده يقين معرفة انه مسنود على الله نفسه
ومصدق إن هو اللي حافظ حياته ومستقبله كله فيه..
إنت بقى مسنود على إيه؟!