منتدى الفرح المسيحى - نعم سيعوض وسيستجيب

https://upload.chjoy.com/uploads/162272569112091.jpg

بقرا بوستات كتير فيما معناها
بلاش تقولوا تعويضات ربنا او هايستجيب
دي مجرد مسكنات بتضحكوا بيها على اصحاب الهموم
بلاش تعشموا الناس
كتير عاش مهموم ومات مهموم بدون استجابه او تعويض

الرد عبارة عن اية جميلة من الكتاب المقدس بتقول

ادعوني وقت الضيق انقذك فتمجدني
يعني اية مش محتاجه تفسير ، هي مفسره نفسها لوحدها
وعد واضح وصريح
ادعوني وقت الضيق ،، يعني وقت ماتكون مهموم تعبان مكسور تعالى واتكلم معايا
انقذك ، يعني هاتدخل وهعوضك وهاستجيب وهفرحك
فتمجدني ، فتتهلل باسمي فرحا وشكرا وتكون سبب في طمأنينه لقلوب كثيرة ان الله يستجيب ويعوض .....

بلاش احباط ويأس
خلوا عندكم ايمان ان الله قادر بتغيير كافة الامور المحبطة وفتح كل الابواب المغلقة وتليين كل العقول والقلوب المتحجرة باشارة واحده منه ...

نعم سيعوض وسيستجيب ..