منتدى الفرح المسيحى

https://upload.chjoy.com/uploads/162245376818591.jpg

بيقوله اخدت التطعيم ؟؟ قاله لسه النهاردة ، رد و قال له : ليه كده ده انا واحد سمعت منه أن واحد قاله انه يعرف واحد خده و مات !!

واحد تاني سأله انت خدت التطعيم ؟؟ قاله ايوه بس قلقان من ساعة ما واحد خده و مات .. قاله دي اشاعات و بس ، اطمن ده احسن قرار اخدته ..

واحد سأل عن الاكتئاب قالوا له اوعي تروح لحد ،
الأدوية ح تؤذيك .. و لما سأل واحد تاني
قاله اوعي تخاف ده موضوع بسيط و مع مشورة حلوة
و دوا بسيط ح ترجع تمام ..

فيه كده ناس تسود الدنيا في عينيك ، و تقولك الأسوأ..

و فيه ناس من حلاوة كلامها تطمنك و توريك الحلو
و تحلي لك المر ، و تطمنك و تضيع من قلبه الخوف و القلق ..

ياريت لو عندك كلمة حلوة قولها ، و لو ما تعرفش يبقي تنقطنا بسُكاتك ..

و صدق الكتاب لما قال عن اللسان انه لجام للفرس و دفة للسفينة، (يعقوب ٣ ) يعني له قوة توجيهية، يا يرفعك للسما يا يجيبك الارض ..

بعض الناس ملافظها تجيبك الارض ، و البعض في ملافظها كل السعد ..

و فيه ناس لسانها "عطر" ، و ناس لسانها "قطر" ..