منتدى الفرح المسيحى - لسه حرارته نازلة من ساعة

https://upload.chjoy.com/uploads/162235512280341.jpg
.

ابتدي يتعافي من خطر كورونا بعد شهر في المستشفي ..قاسوا له الخرارة من ساعة لقوها نازلة ، و اللي فيه لسه فيه !!

رجع زي ماهو و يمكن "اسخم" ، و لسه مروح البيت ، و لسه مكمل علاجه ، رجع للشخط و النطر و العنف و الكبر .. رجع لحب الفلوس و حب الدنيا ، بعد ما شاف بعينه الموت و ربنا انقذه ، و لا درس واحد اتعلمه ..

و الحقيقة تتقال قعد له كام يوم يقول يا رب ، و يا عدرا و يا ملاك !!
و اول ما شم نفسه ، رجع من اول السطر ..
و بدل ما يرجع تايب و نقي و يعمل الخير و الرحمة للكل ، و "يعمل لآخرته " و لا كأنه كان ح يموت و يسب الدنيا بحالها ..

وعلي رأي الكتاب : "عَلَى مَ تُضْرَبُونَ بَعْدُ؟ تَزْدَادُونَ زَيَغَانًا! كُلُّ الرَّأْسِ مَرِيضٌ، وَكُلُّ الْقَلْبِ سَقِيمٌ. (إشعياء ١: ٥)

يعني ربنا غلب معانا ، لا حب نافع و لا تأديب نافع ، لا مرض نافع و لا شفا من المرض نافع !!

و ادينا عرفنا و اتاكدنا ان بني آدم من تراب و ما يملاش عينه الا التراب ، و ما يتمرش فيه الخير و الإحسان..