منتدى الفرح المسيحى - سابت كل خلق الله و أمنت لك .. وتخذلها

واحد كاتب" يا جماعة في حمامة عملت عشها ع شباك غرفتي و باضت فيه ... بفكر انقله علي مكان تاني ... لإني مضايق منه و سمعت انه بيجيب حشرات و بنفس الوقت خايف انه يخرب العش و البيض من النقل ... عجبني حرص السائل على العش ....
وما إستغربتش شعوره الإنساني و حتى ضيقته وفي نفس الوقت خوفه وقولت اخش كده أشوف التعليقات
لقيت ناس كتييير من اللي يعرفوا بالطيور عموما"
و بالحمام خصوصا " نصحوا انه ما يحركوش
لإن الطير مش هيرجع يرقد علي البيض و انبسطت من رد فعل المجتمع الإنساني ...

المهم لفت نظري تعليق فظيع لرجل بيقول :
" يارجل ... سابت كل خلق الله و أمنت لك ..
وتخذلها "
أنا وقتها قشعرت وعجبني التعليق و طريقة فهمه للقصة ..
و الزاويه اللي جاوب منها ع السؤال

اللي عاوز اقوله ..

اللي ساب الدنيا كلها و أمنك ع سر ... ماتفضحوش...

واللي ساب الدنيا كلها و قصدك ب بشي تقدر عليه و ما بيضركش ماتخذلوش ...

واللي ساب الدنيا كلها .. و اختارك صاحب أوعي تخسره ..

واللى سابت بيت اهلها متوسمه فيك الحياه ( حب و موده و سند و سكن ) فخليك راجل واحتويها

"حتى لو كانت حمامة سابت خلق الله كلهم و أمنت لك ... لا تخذلها https://static.xx.fbcdn.net/images/e...5/16/1f340.png https://static.xx.fbcdn.net/images/e...5/16/1f54a.png https://static.xx.fbcdn.net/images/e...5/16/1f49a.png https://static.xx.fbcdn.net/images/e....5/16/270c.png