منتدى الفرح المسيحى - قول دايما الحمد لله على ما تحمله كفتي

https://upload.chjoy.com/uploads/162195988468221.jpg

ايهما اتقل من حيث الوزن
كيلو الحديد ولا كيلو الأسفنج ؟؟
فكر كويس
فكر تاني
ها فكرت ؟؟

كيلو الحديد نفس وزن كيلو الأسنفج
على الرغم ان الإسفنج اكتر من حيث الشكل
لكن الأتنين في الأخر وزنهم “ كيلو ”
نفترض مثلا ان ربنا مدي لكل واحد فينا كيلو سعاده
كيلو السعاده عندك هو هو كيلو السعاده عند غيرك
لكن مكونات الكيلو عندك غير مكونات الكيلو عنده
متقولش لربنا ليه مفرح فولان أكتر مني
انتوا الاتنين سعادتكم “ كيلو ”

وثق ان يوم مالكفة مابتنقص حاجه ، ربنا بيعوضك بحاجه غيرها
لان ربنا ميزانه عادل
لكن احنا اللي حاصرين حاجات معينه في مضمون السعاده

مش كل السعاده فلوس ..
الصحة ليها وزن ، الأطفال ليهم وزن ، نعمة الأب والأم ليهم وزن
راحة البال ليها وزن ، النجاح ليه وزن ، الحياة المستقرة ليها وزن

اتعود ماتقولش ليه
قول دايما الحمد لله على ما تحمله كفتي ..