منتدى الفرح المسيحى - رحلة غالية ( قصة مسلسلة ) الحلقة الاولي

استنونا دايما مع "رحلة غالية".

الحلقة الاولي

https://upload.chjoy.com/uploads/162159554142341.jpg

زمان كان فيه ست حكيمة.. طيبة ومليانة بالرحمة.
.. وكانت شاطرة قوي في تشكيل التماثيل
قامت صنعت تمثال لبنت لكن جميلة قوي لدرجة ان من جماله ادتله من روحها ...
فالتمثال صحي وعاش وقررت تسميها غالية
كانت علاقة غالية بالحكيمة جميلة وطيبة ومليانة بالتعليم الصالح
وكان بينهم علاقة مليانة بالعشرة والونس اليومي♥️
وفجأة اتسلطت على غالية دي فكرة مجنونة:
أكيد فيه حاجات تانية تتعمل في الدنيا الواسعة غير إني أعيش مع الحكيمة دي!!
وقررت غالية إنها تكسر الملل والروتين اليومي وتخرج تستكشف ذاتها والدنيا اللي حواليها
قررت إنها لازم تحقق نفسها وكمان تتبسط
ويبقى عندها علم وثقافة وتفهم كل اللي حواليها
ولأنها متربية على الاحترام راحت بنفسها تقول للحكيمة الكلام ده....
عايزة تعرفي الحكيمة قالت لها إيه؟؟؟🤔

--->"تابعوني. في رحلة_غالية