منتدى الفرح المسيحى - ناس بتمشي و ما بترجعش

https://upload.chjoy.com/uploads/162116548020021.jpg

فيه ناس بتمشي و ما بترجعش..

و حتي لو رجعت ، بترجع مجروحة، مكسورة ، محنية ،
بس عمرها ما بترجع زي الاول ..

ناس بتجرحها و انت مش واخد بالك انك طعنتها في مقتل .
. ناس حلوة و قريبة و طيبة ، بس حساسة
، و ما بتعرفش تعدي وجعها..

ناس كرامتها و عزة نفسها غالية و عالية
، و لما بتتهان بتختفي من دايرتك ، مهما كنت قريب منها ..

و فيه منهم متزوجين ، بس من الاهانات و الاهمال
و كسرة النفس تصبر مرة اتنين و بس
، و بعدين ما ترجعش زي الاول ،
تنطفي و تختفي و تكتئب و تتقفل و تتغير ..

جايز عاوزة مجهود كبير قوي علشان اللي زعلها يبل ريقها
و يرجع لها عزة نفسها ..

طيب و علي ايه ؟؟

ما من الاول نراعي بعض و نعلي بعض ، و نجبر خاطر بعض ،
اصل مش دايما اللي بينكسر بيتصلح ..

و بدل ما تزعل حبايبك و تخسرهم ، ما تزعلهمش علي قد ما تقدر ، و لو زعلتهم ما تكررهاش، و اكسبهم و راضيهم في أسرع وقت ..

صح ؟؟