منتدى الفرح المسيحى - احلي حاجة تعملها في حياتك

https://upload.chjoy.com/uploads/162093713126411.jpg

احلي حاجة تعملها في حياتك
عارف ايه ؟؟
انك تطمن الناس ..
اللي بيتخان و يتظلم و ينكسر ما بيصدقش ان حد ممكن يأمنه و يحافظ عليه ..

و فيه كتير قوي قوي عاشت حياتها في صدمات
و اخطار و تعب و فراق و كسرة نفس ،
عايشة تتلفت وراها من القلق ، و مستنية الخبر السيء
و الظلم من اي شخص تقابله مهما كان قربه ،
مع أول رنة جرس او تليفون ..

ناس بتصحي كل كام يوم علي كارثة ، مرض
، موت لحد بتحبه ، غلا ، وبا ، حرب ، اخبار متعبة من كل حتة ..

ناس مذعورة، متفزعة ، بطلت تخرج او تقابل حد او تتكلم
مع حد من كتر ما اتوجعت..

ناس بقي صعب قوي قوي تحس بالأمان..

الناس دي بقي مستنية حد يطمنها علي نفسها
، يقولها الدنيا بخير، يأمنها علي نفسها ، يخدمها من غير ما تطلب
، يرد عنها أي ظلم او خوف ، يرجع لها حقها اللي راح،
يدافع عنها و يقف جنبها في حضورها او غيابها ..

ناس عاوز أحيانا بس حد يسمعها و يهتم بيها و يشجعها و يقولها كلمة طيبة من القلب ..

دي أجمل حاجة ممكن تعملها في حياتك..