منتدى الفرح المسيحى

https://upload.chjoy.com/uploads/162085227855521.jpg

واحدة من الخبرات العظيمة المغيرة
هي انك تنقل عزالك،
بتكتشف حاجات كانت جديدة مع الوقت بقيت متوسخة قوي،
تكتشف حاجات مخفية، اللي تحت السرير،
وورا الدولاب، وتحت الحوض،
تكتشف كنوز التراب ضيع ملامحها،
محتاجة تنضيف وتلميع،
تكتشف أصحاب، وأحباب، وتكتشف نفسك.
لما ربنا ينقلك، متتذمرش، دي فرصة حلوة للتغيير،
دور على دورك اللي مفروض تقوم بيه في مكانك الجديد،
واعرف الجديد اللي ربنا عايز يعلمهولك.
سكن، تغيير ناس، جيش، غربة، شغل بعيد، دراسة،
هجرة، أيًا كان الموقف انقل عزالك واخضع لله.