لكل يوم زوّادة: بشكرك يااا رب

بشكرك يا رب عا طلوع الضَو، بشكرك يا رب لأنّك فرجَيتني يوم جديد.
بشكرك يا رب عا كل شخص موجود بحياتي ان كان نعمة و ان كان وجودو درس.
بشكرك يا رب عا كل لقمة خبز ببيتي.
بشكرك يا رب عا حبّة الدوا اللي بعدني عم لاقيها بس عوزها.
بشكرك يا رب عا نعمة الصحّة.
بشكرك يا رب عا كل صديق فيّي احكي معو وقت بدّي و شو ما بدّي بلا ما فكّر بكل كلمة بدون ما يحكم عليّي
بشكرك يا رب عا كل شغلة اجت عا حياتي بوقتها عالقدّ لا بكّير و لا متأخرة، توقيتك هوّي اللي بيربح عاطول و دايما حكمتك هيّي البوصلة
بشكرك يا رب عا كل ابتسامة رسمتها عا وجي.
بشكرك يا رب عا امّك مريم اللي شاركتني بحنانها و حبها. اذا بكمّل عدّ ما بخلص يا رب، قد ما شكرتك ما بوفيك حقّك و لا اللي عملتو معي بحياتي...لك التسبيح و الشكران، لك المجد يا سرّ القربان