منتدى الفرح المسيحى - ضحايا اللسان

https://upload.chjoy.com/uploads/16205395734011.jpg

اسوأ عينة من الناس ممكن تقابلهم ، و أسوأ خلق ممكن تشوفه !!

واحد لسانه بينقط سم ، قليل الذوق و الأدب
.. لسانه سريع الطلقات لا بيراعي حد و لا سن
و لا مقام و لا جيرة و لا حتي انسانية ..

يجرح ، يشرّح قلب الناس ، يكسفهم ..
فرحته انه يدي الناس علي دماغهم
، و يشربهم سم مركز من كلام كله عنف و قسوة ..

ماشي يقتل في خلق الله ، و فاكر انه دي رجولة و شطارة و جدعنة و خرفنة في اخد الحق ، مع انه امام الله قاتل نفس
علي رأي الكتاب "كُلُّ مَنْ يُبْغِضُ أَخَاهُ فَهُوَ قَاتِلُ نَفْسٍ
، وَأَنْتُمْ تَعْلَمُونَ أَنَّ كُلَّ قَاتِلِ نَفْسٍ لَيْسَ لَهُ حَيَاةٌ أَبَدِيَّةٌ ثَابِتَةٌ فِيهِ. (١ يوحنا ٣: ١٥)..

فين ده من لسان العطر و الورد ؟؟
فين "اما لِسَانُ الْحُكَمَاءِ فَشِفَاءٌ. (الأمثال ١٢: ١٨)" ؟؟

خللي بالك من لسانك و كلامك اللي ممكن يقتل ناس
او يحييهم بالحب و الود و الوداعة ..

و حتي لو معاك الحق ، تعالي علي نفسك شوية ..

انك تطيب خاطر الناس و تكسب قلوبهم و راحتهم
و دعواتهم ليك و رضي ربنا عليك
، ابرك الف مرة من انك تكسب معارك وهمية في الكلام ..

ضحايا الكلام المر اكتر من ضحايا الحروب ..