منتدى الفرح المسيحى - اذا كسرت قلبك من اجلي انا ها قارورة الطيب اكسرها هنا

https://upload.chjoy.com/uploads/162049408013741.jpg

من أكتر من ألفين سنة،
جت واحدة ست كان نفسها تعبر للرب يسوع
عن محبتها ليه بأحسن طريقة تقدر عليها،
فعملت حاجة غريبة شوية، جابت إزازة برفان
كانت غالية جدًا (عادة كانت كل بنت بتشيلها ليوم فرحها)
وجت كسرتها عند رجلين المسيح!
أيوا فعل غريب جدًا حتى اللي كانوا قاعدين وقتها
كانوا مستغربين زي ما إحنا استغربنا كدا،
وحتى واحد منهم قال: "لو كُنا بعناه كان هيجيب فلوس كتير!"..
لكن المسيح شاف اللي ورا الفعل دا، شاف قلبها،
شاف الحب المُضحي بالشكل دا،
شاف المحبة الكبيرة الصادقة النقية
اللي كانت في قلب الست دي وقَدرها جدا
وكان تمنها عنده أغلى من إزازة البرفان الغالية أوي دي نفسها
اللي الست كسرتها عند رجليه.
أصلي ليا وليك النهاردة تكون محبتنا حقيقية، صادقة، قوية..
وساعتها مفيش شك إنها هتكون مقبولة ومُقدرة وغالية جدا عند الله