منتدى الفرح المسيحى - قيمتنا الحقيقية في شخص الرب يسوع

https://upload.chjoy.com/uploads/161986156864491.jpg

غالبا الاتضاع الحقيقي ميجيش أبدا
غير من شخص عارف قيمته كويس،
عارف بينتمي لمين، عارف قيمته ومكانته
ودوره وتأثيره ومُهمته
علشان كدا يحكيلنا القديس يوحنا في الإنجيل
عن الموقف المهيب دا، لما قام الرب يسوع عن العشا
وأخد فوطة وبدأ يجيب مياه يغسل رجلين تلاميذه،
أيوا المعلم بيغسل رجلين تلاميذه ودا خلاهم يتصدموا
ويستغربوا جدا لدرجة إن واحد منهم قاله
مش ممكن تغسل رجلي أبدا !بس قبلها يقول كدا
يَسُوعُ وَهُوَ عَالِمٌ أَنَّ الآبَ قَدْ دَفَعَ كُلَّ شَيْءٍ إِلَى يَدَيْهِ،
وَأَنَّهُ مِنْ عِنْدِ اللهِ خَرَجَ، وَإِلَى اللهِ يَمْضِي قَامَ عَنِ الْعَشَاءِ،
وَخَلَعَ ثِيَابَهُ، وَأَخَذَ مِنْشَفَةً وَاتَّزَرَ بِهَا..
أصلي ليك وليا النهاردة، نعرف قيمتنا الحقيقية
في شخص الرب يسوع بسبب اللي عمله على الصليب لأجلنا،
فيكون سهل علينا نحب إخواتنا ونخدمهم ونساعدهم
وأبدًا منتكبرش عليهم، أصلي نعرف إننا بننتمي لله شخصيا،
فمنحتاجش ناخد قيمتنا من حد ولا حاجة تاني غيره.