لكل يوم زوّادة: وردة القديسة تريزيا

يمكن اكتر عبارة مشهورة فيها القدّيسة تريزيا الطفل يسوع هيّي: "سأمطر من السماء غيثا من الورود. سأقضي سمائي فى عمل الخير على الأرض."
وعدت و وفيت! كم شخص التجأ بأوقاتو الصعبة لهالقدّيسة الزغيرة خصوصا صلاة التساعيّة و بعدين تبعتلن وردة عا طريقتها!
كم شخص حصل عا نِعَم بشفاعتها، كم شخص ارتدّ للإيمان بفضل افكارها، كم شخص تغيّرت نظرتو للحياة بس شافها بعيونها! كم شخص كان مفكّر حالو صار كبير و شايف الأمور معقّدة و انّو صعب طريق السما فهم انّو قد ما كبرنا الطفولة الروحيّة و التواضع و البساطة هنّي اقرب طريق للرب!...
ابعتي يا تريز ورودك عا كل بيت، و اغمري كل عيلة بالخير اللي وعدتي فيه، احمي اهلنا و ولادنا و عيالنا و صلّيلن تا ربنا يعطيهن نعمة الصحّة و خلّي عطر ورودك يزيّن حياتن ببركة يسوع المسيح...آمين🌹🌹