منتدى الفرح المسيحى - شغل_عيال .. لكن ما اعظم إيمانهم ❤️

https://upload.chjoy.com/uploads/161862069482661.jpg

صورة جميلة الحقيقه 😁
والمكتوب عليها صحيح يضحك مع تعبيرات الولد العفوية 😁 ..
لكن ده اللى طلبه ربنا مننا واحنا بنصلى ...

🛑 ماتستغربش .. هقولك ازاى ..

احنا اوقات كتير بنصلى زى الشحاتين .. 🤷
يارب اتحنن وادينا طلبنا ..
وبص لينا بعين الرحمة وحقق لينا الحاجات الصغيرة
اللى نفسنا فيها ..

مع أن احنا كأبناء الله "لنا ثقة" ..💁
زى ما بيقول بولس الرسول " لنا ثقة " ..
وهنفضل نكررها "لنا ثقة" ..
يعنى احنا مش بنشحت ولا نتسول عليه ..
احنا أولاده .. وواثقين ولينا ايمان أنه بيسمع
.. ولينا خيرات ونصيب كبير عنده .. 💪

والايمان ده هو الاساس اللى عليه قدر 👈
موسي يصلى لأجل شعبه لما غلط .
. كأنه بيقول ( مانت هتسامحهم يعني هتسامحهم ) ..

وبيه موسي قدر يصلى والشعب ينتصر فى الحرب ..
وكأنه بيقول ( هننتصر بيك يعنى هننتصر بيك ) ..

👈ويعقوب قدر يجاهد مع الله .. واخد البركة
.. وقاله ( لن اطلقك مالم تباركنى ) ..
صارع مع الله وقوله .. ( هتباركنى يعني هتباركنى 😁 ) ..

👈وداود رجع اقوى من الاول من بعد غلطته ..
وقدر يكون أعظم ملك فى تاريخ اسرائيل كلها ..

👈وبيه كمان عملوا معجزات ورفعوا أوبئة ومنعوا ضربات ..
لان ببساطة لهم ايمان أن صلواتهم مسموعة ..
وان لنا اله يسمع ويستجيب ..

🤷 ماتستغربش من الكلام .. لكن صلى بإيمان
.. وصارع مع الله .. ولا تتركه مالم تأخذ نصيبك من البركة 💁 .

🛑 وافتكر المزمور وهو بيقول " لأنه_تعلق_بى_فأنجيه " ..

شغل_عيال .. لكن ما اعظم إيمانهم ❤️