لكل يوم زوّادة: " ألله يراني "
بيخبرو انّو مرّة انسألو مجموعة اشخاص شو اكتر شي غريب كنتو تصَدقوه انتو و زغار.
في شبّ جاوب: اغرب شي كنت صدقو انّو امّي بتشوف ورا الحيطان! ما كِنّا انا و اخواتي نعمل شي بيزعّلها ابدا...
نحنا كمان ما لازم نعمل شي بيزعّل ربنا اكيد مش لأنّو بيشوف ورا الحيطان! بس لأننا منآمن انّو حاضر معنا بكل لحظة و وين ما كان متل ما بيقول الأخ اسطفان "الله يراني" ...يوم مقدّس مليان من حضور الرب بحياة كل واحد منكن!