منتدى الفرح المسيحى - الهي اله ايجابي

https://upload.chjoy.com/uploads/161852947834991.jpg
أكتر حاجة بتشجعني في إلهي اني بشوفه إيجابي جدا

اقع وأيأس من نفسي فيقول لي
الصِّدِّيقَ يَسْقُطُ سَبْعَ مَرَّاتٍ وَيَقُومُ (امثال ٢٤)
المهم تقوم متكملش في السقوط .

أكون في وقت مقصر جدا الاقيه بيقول لي
ماتبصش للي فات "شَدِّدْ مَا بَقِيَ" (رؤيا ٣)
ركز في اللي جاي .

اقوله قوتي خلصت وخارت يقولي
وَأَمَّا مُنْتَظِرُو الرَّبِّ فَيُجَدِّدُونَ قُوَّةً.(اشعياء ٤١)
انا هجدد قوتك .

اكون متضايق جدا من وقت ضاع كتير
يقولي ارجع لي وانا
أُعَوِّضُ لَكُمْ عَنِ السِّنِينَ الَّتِي أَكَلَهَا الْجَرَادُ (يوئيل ٢)

أسقط في خطية واكون متضايق من نفسي
يقول لي تعالي نقعد ونتعشي سوا ونحكي
«لاَ يَحْتَاجُ الأَصِحَّاءُ إِلَى طَبِيبٍ بَلِ الْمَرْضَى
. لَمْ آتِ لأَدْعُوَ أَبْرَارًا بَلْ خُطَاةً إِلَى التَّوْبَةِ». (مرقس ٢)

أقوله أنا ضيعت فرص كتير علشان امشي معاك واعيش مشيئتك
يقول لي
وَكُلُّ مَنْ تَرَكَ بُيُوتًا أَوْ إِخْوَةً أَوْ أَخَوَاتٍ أَوْ أَبًا أَوْ أُمًّا أَوِ امْرَأَةً أَوْ أَوْلاَدًا أَوْ حُقُولًا مِنْ أَجْلِ اسْمِي، يَأْخُذُ مِئَةَ ضِعْفٍ وَيَرِثُ الْحَيَاةَ الأَبَدِيَّةَ." (متي ١٩).

إله إيجابي جدا .. معظم كلماته عبارة عن
( تعالي .. ارجع .. ارعي غنمي .. لسه مصمم عليك ..
دعيتك بإسمي .. انت لي .. تكفيك نعمتي .. لا تخف .. انا معك )

إله بيشجعني كل صباح حتي وانا مطين بالهموم
او بالخطايا اني اروحله وامسك في ايده
و يجدد قوتي و يخليني اقدر اكمل .