منتدى الفرح المسيحى - أتكلم باخلاقك

https://upload.chjoy.com/uploads/161847232465721.jpg

لما تلاقيه ما ردش علي التليفون كذا مرة و بعدين كلمك ، اوعي تعاتب أو تحاسب، قوله "تلاقيك مشغول أو مضغوط و ربنا يكون في عونك .. طمني عليك " ..

لما تلاقي حد عصبي او غضبان أوعي تقوله "عصبيتك دي علي نفسك مش علي" .. قوله "مش عادتك كده ، اكيد شوية زعل و ح يروحوا.. ربنا يريح قلبك و لما تروق نتكلم " ..

لما تلاقي حد مقصر في شغل يخصك اوعي تقوله "ده عدم اعتنا منك و انت مش شايف شغلك" ، قوله "المرة دي انت مش زي كل مرة، مش بعادتك، انت يا تعبان يا زعلان .. تحب تريح شوية و تأجل الشغل علشان تبقي راضي و متراضي و تدي احسن ما عندك ؟؟"

لما تلاقي ابنك مش بيذاكر و مقصر في جدوله، اوعي تقوله "طول عمرك مهمل " .. قوله "البطل بتاعي مشغول في ايه و مش رايق ليه و نفسه في ايه؟؟ " ..

فيه كلام يجرح الناس بالعنف و فيه كلام يحرج الناس بالأدب ؛ فيه كلام نار و فيه كلام نور ؛ فيه طريقة تباعد و طريقة تساعد