|
ياريت نصلي الصلاة ديه كل شويه
https://upload.chjoy.com/uploads/161837794000651.jpg ياريت نصليها كل شوية وكل يوم 🙏🙏🙏🙏 اذكر يارب هذه الايام ... اذكر اللي بينتقلوا بدون وداع ولا عزا لائق 🤲🏻 اذكر اهالي المنتقلين اللي بيتقطعوا ولازم يكملوا المسيرة 🤲🏻 اذكر المرضي المذعورين من الموت واللي بيتكسفوا من مرضهم 🤲🏻 اذكر كل مريض مش لاقي مكان يتعالج فيه ولا لاقي دوا 🤲🏻 اذكر الناس الوحيدة اللي خايفة يجيلها المرض اي وقت بدون ماتلاقي اللي يراعيها 🤲🏻 اذكر الاطفال اللي فقدوا مظاهر طفولتهم و شالوا المسئولية بدري 🤲🏻 اذكر الجدود اللي اتحرموا من رؤية احفادهم 🤲🏻 اذكر الامهات اللي مطلوب منهم يتماسكوا قدام ولادهم طول الوقت في وقت صعب فيه التماسك 🤲🏻 اذكر كل اب خايف ييجي لولاده المرض عشان مش هيقدر يدخلهم مستشفي ولا يجيب علاج 🤲🏻 اذكر كل شخص شغله اتأثر و مصدر دخله راح 🤲🏻 اذكر الطلبة اللي مستقبلهم اتعلق 🤲🏻 اذكر كل واحد مضطر يروح الشغل الايام دي قويه و احميه 🤲🏻 اذكر كل انسان بيقوم بشغله ومهامه بامانة في عز قلق الايام دي 🤲🏻 اذكر كل انسان القلق و الذعر ملوه و مش قادر يكمل حياته 🤲🏻 اذكر كل شخص فقد الامل وشغف الحياة من كتر اللي شافه 🤲🏻 اذكر كل واحد كان مخطط مستقبله و فجأة كل تخطيطه اتدمر و الاحباط سيطر عليه 🤲🏻 اذكر كل الدكاترة و التمريض و اللي بيتعاملوا مع المرضي و عدي بيهم المحنة 🤲🏻 اذكر كل واحد في موضع مسئولية واتخاذ قرار الايام دي 🤲🏻 اذكر كل اللي الاحداث والمواقف اعثرتهم 🤲🏻 اذكر الناس الضعيفة اللي مش قادرة تستحمل كل ده 🤲🏻 قصر الايام دي يارب ارحمنا 🤲🏻👆🏻 |
| الساعة الآن 07:25 AM |
Powered by vBulletin® Copyright ©2000 - 2025