منتدى الفرح المسيحى - ما عملش حسابه

https://upload.chjoy.com/uploads/161774122018831.jpg

ما عملش حسابه ، و لا بص لقدام ..
ما فكرش ان الزمن عليه مش ليه ..
لما قسي علي الناس و قفل قلبه عليهم ،
ما عملش حسابه انه ح يحتاج ليهم بكرة هما هما
، و افتكر انهم ح ينسوا ، و ما حدش عمره بينسي الاسية..
و لما اتجبر عليهم و استقوي ، نسي ان الايام قلابة ،
و زي ما حطته فوق الناس بكره ح تجيب الناس فوقيه ..
و لما قفل قلبه عن سؤال الناس و ما رحمهمش، نسي ان الزمن دوار ،
ترحم النهاردة تترحم بكره ، و تقسي النهاردة ينداس عليك بكره .
و لما سن لسانه علي الناس و افتكر انه اعلي منهم ، نسي ان فيه مرض و عجز
و شيخوخة و فشل و فقر و زنقات و مشاكل اقوي منه بتيجي من اي حته ،
ممكن تجيب راسه تحت رجليه و تخليه في لحظة تحت الكل مذلول و مكسور ..
و لما كل حق الناس و فوتوا له لأنهم مش قده ،
نسي ان ح ييجي وقت ح يبقي في عرض واحد يسنده،
و ح يدور مش ح يلاقي غير اللي اذاهم واقفين شمتانين فيه بعد ما دوقهم من الظلم الوان ..
و صاحبنا ده اللي ما بيحسبهاش علي فكرة قليل قوي لما يفوق و يراجع نفسه..
و لو كان جوه قلبه حبة بصيرة ما كان عمل في نفسه و لا في الناس كده ..
و ربنا أعظم من كل قلب ..