منتدى الفرح المسيحى

https://upload.chjoy.com/uploads/161774017707281.jpg

جربه تكشفه.
جربه في تسميع آية او لحن او ترنيمة ، تلاقيه ملاك بجناحين و يمكن بينزل زيت !!
جرب تطلب منه هو هو خدمة و انت في زنقة ، تلاقي الجناحين طاروا
، و الزيت نشف ، و تطلع الحجج و الأعذار زي الرز..
جربه في القداس او الخدمة او اجتماع صلاة، تلاقي الورع و التقوي و هالة نور حواليه مترين !!
جرب بعد كده تتناقش معاه هو هو، او تتكلم في اي موضوع،
تشوف العند و العنف و الذم و الاغتياب و الكره و القساوة ..
عاوز تكشفه ، شوفه علي طبيعته ، بره كل الرسميات: بيحب الناس من قلبه و لا لأ،
متواضع و وديع و مليان حب و ادب و رقة ، بيسأل علي الكل و يخدمهم من غير اي حاجة غير الحب و بس ..
و ياما الايام كشفت حقايق ناس كدابة مستخبية ورا شوية تقوي ..
و برضه يا ما الايام كشفت لنا قداسة ناس بسطا ما لهمش في المناصب و لا الخدمة اي مكانة ..