منتدى الفرح المسيحى - شبهي ومفيهوش غلطة

https://upload.chjoy.com/uploads/161768730377581.jpg

وأنا بقرأ معجزة في الكتاب المقدس وقفت قدام جملة يسوع قالها وصدمتني😮😯 لأنها كانت صعبة اوي اوي
ومفيهاش أي نوع من الحنية اللي يسوع معروف بيها 😥😓

"وَأَمَّا يَسُوعُ فَقَالَ لَهَا: «دَعِي ٱلْبَنِينَ أَوَّلًا يَشْبَعُونَ
، لِأَنَّهُ لَيْسَ حَسَنًا أَنْ يُؤْخَذَ خُبْزُ ٱلْبَنِينَ وَيُطْرَحَ لِلْكِلَابِ»."

وفضلت أفكر فيها كتير بس أستغربت أكتر من رد المرأة الكنعانية🤔..

"فَأَجَابَتْ وَقَالَتْ لَهُ: «نَعَمْ، يَا سَيِّدُ! وَٱلْكِلَابُ أَيْضًا تَحْتَ ٱلْمَائِدَةِ تَأْكُلُ مِنْ فُتَاتِ ٱلْبَنِينَ!»."

بس في الآخر فهمت أن يسوع مش قاصد أبداً يضايقها
أو يجرحها لأن قلبه أرق وأحن من كده❤️

يسوع كان قاصد يستفزها مش أكتر
علشان يخرج منها فهم عميق لنعمة الله اللي جواها
ويعرف حبها لبنتها وأنها مستعدة لأي حاجة علشان خاطر شفاءها❤️..

أوقات كتير ممكن تلاقي ردود من ربنا أنت مش متوقعها منه خالص🤷🏻‍♂️ بس ربنا وقتها مش بيبقى هدفه أنك تضايق
لكن هدفه أنه يسمع اللي في قلبك❤️ هدفه أنه يكبرك ويخليك في حتة تاني💪🏻💪🏻..

سوشيال_وحقيقى 🤗
شبهي_ومفيهوش_غلطة 😍