منتدى الفرح المسيحى - أيد يسوع معايا حقيقي

اسمحولي اشارك معاكم بحاجة كدة صغيرة حصلت معايا وحسيت بأيد يسوع معايا حقيقي
انا في البنك وطبعا انتوا عارفين قعدة البنك الموظف عطاني الرقم كبير اوي يمكن قبلي ٣٠٠ نفر قولت يااه ايه ده لسه هقعد ده كله
المهم قولت هعقد وخلاص بقه شوية ولقيت ست كبيرة جايه من بعيييد متعرفنيش ولا انا اعرفها خالص فضلت ماشية ماشيىة لحد ما جت جمبي وهمست في ودني كدة وقالتلي رقمك كام يا بنتي قولتلها الرقم قالتلي طب خودي الرقم ده يقرب ليكي المسافة لاني ماشية
بصيت علي الرقم لقيته مقرب كتير ب ١٢٠ نفر!!!
ياااه ياربي اشمعني انا ده اللي قاعدين كتييير اووي اختارتني انا من كل دول ؟؟!!!
افتكرت الآيه علطول جت في بالي علطول
" إِنَّ مَنْ يَزْرَعُ بِالشُّحِّ فَبِالشُّحِّ أَيْضًا يَحْصُدُ، وَمَنْ يَزْرَعُ بِالْبَرَكَاتِ فَبِالْبَرَكَاتِ أَيْضًا يَحْصُدُ."
(2 كو 9: 6) https://static.xx.fbcdn.net/images/e....5/16/2665.png https://static.xx.fbcdn.net/images/e...5/16/1f64f.png https://static.xx.fbcdn.net/images/e...5/16/1f64f.png