منتدى الفرح المسيحى - اسال على اللى مبيجيش

https://upload.chjoy.com/uploads/161744774215611.jpg

لما ابونا جه وافتقده قاله مبتجيش ليه الكنيسه بقالك فترة ؟؟؟
قاله انا بقالي 3 شهور مش بدخل الكنيسه 💔
ابونا سأله ليه كده ؟
الولد قاله انا تعبت واتخنقت 😢 في البيت بيقولولي غبي ...
في المدرسة بيقولولي فاشل ... في الكنيسه بيقولولي يا خاطئ ..
. ومحدش بيهتم بيا ✋🏻
ولما زهقت روحت القهوة لقيت القهوجي بيقولي تشرب ايه يا باشا ... ففرحت أن حد قالي كلمه كويسه 😍
وهناك اتعرفت على أصحاب ليا بقوا بيسألوا عني لما اتأخر أو اغيب .
الافتقاد والاهتمام ضروري جدا لكل المخدومين ولجميع الأعمار ✋🏻
اولا في ناس كتير بتقع مننا كل أسبوع يا اما في مواقف معينه ... يا اما من خادم اتكلم مع مخدوم باسلوب مش كويس دون احساس بمشاعره . وحاجات تاني كتير بتحصل مع المخدوم ...
ف رجاء محبه زي مبنفرح باللي بيجي
ياريت نسأل على اللي مبيجيش 😍
اسال_على_اللى_مبيجيش