منتدى الفرح المسيحى - خليك قد صلواتك

https://upload.chjoy.com/uploads/16167490282211.jpg

في صلوات كتير صليتها عشان اتغير في حاجات جوايا للأحسن
بس كنت بحس اني دائما بعيده عن اللي عايزه اوصله..
كنت مستغربه هو امتي هتغير !!
كتير كنت بحس اني زي اللي بيطلع جبل عالي و مش بيوصل 😫
و يقف يبص علي ناس جت بعده و وصلت😏..
طيب ليه بيحصل كده معايا 🤨؟
الايام ديه اكتشفت ان الصلوات ديه كانت بتوصل بس الطريقه اللي جت بيها الاستجابه
كانت مش الطريقه اللي بحبها 😕.. للأسف الألم هو كان المدرس الوحيد اللي عرف يعلمني.
الألم هو اللي لين قلبي عشان يستقبل التغيير.
لسه موصلتش للي بحلم بيه بس كمان مش واقفه لسه في نفس المكان..
لو صليت صلوات اتوقع ان الاستجابه هتيجي بس مش لازم بالطريقه اللي انت متوقعها او بتحبها
فخليك قد صلواتك عشان ربنا بيخذها بجديه