منتدى الفرح المسيحى - ربنا شايلك الاحسن

https://upload.chjoy.com/uploads/161645068726021.jpg

متزعلش💙
لما تاكل مع حد ف طبق واحد ويلف يجيب سيرتك من وراك
متزعلش
لما تحب حد من قلبك ويطلع ما يستهلكش.....
متزعلش لما تحس انك مش بتعمل اى حاجه وحشه
فى اى حد وللاسف مش لاقى بختك مع حد......💔
متزعلش ومتقلبش في صفحة اتقفلت ...
متدورش علي حاجة ربنا بعدها عنك ...
متخبطش علي باب ربنا قفله ...
متجريش ورا حاجة ربنا قالك انها مش بتاعتك ...
ومتحنش لماضي وجعك زمان ...
متقلبش في رسايلك القديمة ...
متتفرجش علي صور ناس جرحوك و باعوك وسابوك لوحدك ...
متدخلش علي صفحة حد كان قريب منك وسابك ...
متزعلش علي حد كان في يوم من الأيام أقرب قلب ليك والنهاردة عملك بلوك ...
ربنا بيقولك دلوقتي كفاك دوران في هذا الجبل ..
كفاية زعل علي اللي راح ...
كفاية وجع قلب ...
اللي عوض يوسف .. وجبر بخاطر أيوب .. قادر يعوضك ويفرح روحك وقلبك ...
اطلب منه وقوله انا مستني تعويضك في حياتي 🙏 ...
ومتتكسفش لو دموعك نزلت في الصلاة ...
هيطبطب عليك ويقول لروحك المكسورة :
" حولي عني عينيكي فإنهما قد غلبتاني "...
سيبك من اللي فات ... امبارح راح بحزنه ووجعه
وبكره اللي جاي مع ربنا أجمل وأعظم
قول من قلبك مع بولس الرسول :
" انسي ما هو وراء وامتد الي ماهو قدام" (في١٣:٣) ..

اكيد ربنا شايلك الاحسن ربنا موجود🙏🙏