منتدى الفرح المسيحى - ازاي اكون خادم (المدخل التشويقي للدرس)

https://upload.chjoy.com/uploads/16162661941361.jpg

ازاي نعمل مدخل تشويقي قبل الدرس او العظة
المدخل التشويقي يختلف من حيث سن المخدوم
يعني مثلا ناخد كمثال هزيمة شعب إسرائيل من عاي في سفر يشوع الأصحاح السابع
هيكون المدخل بالشكل ده
احنا كلنا فريق كرة مشهور خالص وهزمنا كل الفرق قبل كده
مفيش فريق قدر يغلبنا خالص
يا ترى لو هنلاعب فريق ضعيف خالص هيكون ايه شعورنا؟
طيب يا خبر لو اتهزمنا من الفريق الضعيف ده هيكون ايه شعورنا؟
طيب لو كان السبب إن في واحد من الفريق بتاعنا هو السبب في الهزيمة
ونعطي فرصة لإجابات المخدومين
بعد كده نربط المدخل بالدرس
الفريق المشهور ده هو شعب إسرائيل
والفريق الضعيف ده هو عاي
واللي كان سبب الهزيمة هو عخان
يا ترى عمل ايه عخان؟؟؟؟
بالشكل ده هنلاقي كله منتبه إيه اللي عمله عخان علشان يخلي بني إسرائيل يتهزموا
ولو كان أطفال حضانة ممكن نستخدم التلوين زي اللي في الصورة المرفقة
ونلون الأرقام
رقم 1 بالأزرق
رقم 2 بالأحمر
رقم 3 بالذهبي
رقم 4 بالفضي
وبكده لما يلون الطفل هيعرف ايه الي اخده عخان وتسبب في هزيمة بني إسرائيل