منتدى الفرح المسيحى - شخصيات كتابية نتعلم منها (عيسو)

https://upload.chjoy.com/uploads/161541458429561.jpg

عيسو
معنى اسمه كثيف الشعر وكان ليه اسم تاني اطلق عليه هو ادوم
أبوه إسحاق
أمه رفقة
وأخوه التؤأم يعقوب
اتجوز تلات نساء اتعرفنا على يهوديت أو أهوليبامة
اول ما نفكر في اسم عيسو فكرنا يروح الشخص القاسي المستبيح
لكن تعالوا النهاردة ننظر لعيسو نظرة مجردة من الإدانة
1- عيسو السند
كان عيسو سند قوي لأبوه في شغل الغيط والصيد
لذلك أحب اسحق عيسو لأن في فمه صيدا
2- عيسو وعدم السيطرة
كان مشكلته عدم سيطرته على نفسه
على غضبه وعلى عناده وده تسبب في مشاكل كتير ليه
حتى انه حول محبة ابوه لمرارة بزواجه من نساء ضد رغبة ابوه وأمه
3- عيسو الطيب
ايوة طيب لأنه كان طالع يقتل يعقوب
لكن لما شافه مكسور احتضنه وبكى
واخترت الصورة دي بالذات علشان نشوف عيسو المختلف عن فكرنا
صحيح عيسو أخطأ كتير لكن جواه كان قلب طيب
حتى انه بعد كده ابعد نفسه عن اخوه علشان ماجيبش مشاكل
والله أكرم عيسو انه اعطاه جبل سعير حتى الله أوصى بني إسرائيل انهم ما ياخدوش جبل سعير لأن ده ملك لعيسو ونسله للأبد
تعالوا نطبق اللي اتعلمناه
1- كن دايما سند لغيرك
كن مستعد لمساعدة أي شخص يلجأ إليك
ولا ترد شخص طلبك حتى وان كان مش معاك على الأقل حسسه انك شاعر بيه
2- ان لم تسيطر على ذاتك هتعيش حياة صعبة
لإن لو جسدك سيطر عليك هتضيع أبديتك
ولا تعطي لإبليس مكانا
3- كن طيب القلب واقبل واصفح واغفر
لأنه إن لم تغفروا للناس زلاتهم لا يغفر لكم ابوكم الذي في السموات زلاتكم