منتدى الفرح المسيحى - متغركوش المناظر

https://upload.chjoy.com/uploads/16152356535651.jpg

معظم أصحاب الضغوط النفسيه العاليه والاكتئابات الكبيره بيمارسو حياتهم
بشكل طبيعي بثبات انفعالي فائق بيستهلك معظم طاقتهم..
تلاقيهم مبتسمين عادي وموجودين ع السوشيال ميديا بشكل طبيعي
وقد يمتد الأمر اكثر من ذلك انهم بيكونو مصدر دعم وطاقه ايجابيه لغيرهم..
طبعا ده مش سهل...
علشان كده بييجي عليهم وقت الطاقه دي بتخلص ومناعتهم النفسيه
بتضعف لأقصى حد فبيختفو من المشهد لفتره لمحاسبه النفس
وإعاده هيكله الأمور وشحن الطاقه اللازمه لإعاده الكدب على الجميع واستكمال ادعائهم انهم بخير...
قد يستمر هذا النهج طوال العمر وقد يفاجي الجميع بانفجار لا محدود..
الخلاصه.. متغركوش المناظر
مش كل الناس الل شكلهم بخير بيكونو بخير..
هما بس الل قدراتهم عاليه ف التحمل والتضحيه وتصدير الوجه الجميل
فلو تعرفوهم رفقا بهم