منتدى الفرح المسيحى - زرع الحلم فيا ازاي ما يحققهوش

https://upload.chjoy.com/uploads/161511756965671.jpg

انا معرفش حلمك , وكام مرة خاب منه أمَلَك , لكن واثق في شيء في فِكرك
بيأكد إنك يوم تكون ..
تكون رغم الصعوبه وتغيرات قاسية مطلوبة
و كل ما حاقد يرمي طوبه إمسكها وإبني لحلمك حصون ..
هتعدي سنين مليانه فشل وكتير من الهموم
كل ما تقطع جواك أمل أوصِله تاني و قوم ..
صدّق حلمك وماتستناش اللي يصدّقهولك
و اياك ترسم طريق و تخلي غيرك يمشيهولك
لو يوم نفسك قالتلك جايز تقع و ماتوصلوش
قولها ربنا زرعه فيا – إزاي مايحققهوش؟