منتدى الفرح المسيحى - إخلع نعلك قدام ألم الناس مهما كان حجمه

إخلع نعلك قدام ألم الناس مهما كان حجمه

https://upload.chjoy.com/uploads/161469363905031.jpg

هو مش كان ممكن جدا جدا يسوع يكون ردهُ علي كل المتألمين اللي قابلهم يكون
معلش شدوا حيلكم دي مشكله بسيطة ومش مستاهله..

ده انا مشكلتي اكبر وبتوجع اكتر.. ده انا هتصلب

مش كان ممكن يقول لنازفة الدم ايه الدلع اللي انتي فيه ده منا هتجلد وهتصلب وهنزف للصبح

وكان ممكن يقول للأعمي كويس انك لسه بتتكلم وبتسمع وبتتحرك ما تشكر ربنا

وكان ممكن يقول للسامرية استحملي شوية الإحساس بالعار من الخطية منا هشيل خطاياكم وعاركم بعد شويه وهستحمل

لكن يسوع معملش كدة رغم انه كان عارف كل البلاوي اللي هتحصله . . . . مستهونش بوجع حد فيهم مخذلش حد ولا كسف حد بالعكس
يسوع كان بيحرص علي انه يسمعهم ويشفيهم نفسيااا وجسديااا
عمره ما استهون بوجع حد اوشاف انه بيتدلع

إخلع نعلك قدام ألم الناس مهما كان حجمه