منتدى الفرح المسيحى

https://upload.chjoy.com/uploads/161469703567721.jpg

لحظة يا رب .....
عندي سؤال محتاج للرد
انا من يوم ما وعيت ع الدنيا
وعدتك وعد...
اني اعيش ليك خدام
وحبك يملك كل القلب
لكني لقيتني في دنيا غريبة
وجنود ابليس بتحارب فيا
وحربه بجد يا رب قوية
ليه بده كله بس سمحت؟!!
واثق قوي مني ومن حبي ؟!
طب ما انا يمكن كنت وقعت
وتيجي تدور مرة عليا واكون ضيعت
عايز رد ...؟!
شوف يا حبيبي ...
انا دخلتك جوه الدايرة
وعيني عليك دايما حارساك
اياك فاكر ان انا سيبتك
او اني في ضعفك مش وياك
طب ليه يا رب...؟
صبح وليل بقي خبزي دموع
وحاسس اني ف عالم قاسي
ولا مره يا رب منه شبعت
خليك جنبي متتركنيش
انا بوجودك بس بعيش
بيك بتقوي علي ضعفاتي
وهموم الكون دي متغلبنيش
عارف انك لسه حاببني
واسمي ف كفك
ناديتني يا اابني ...
وانا علي قولك فيك عشمان
وهفضل اصلي كمان وكمان
مهما بإيدك هتادبني
راضي يا رب ..
ولاحكامك بس سمعت