منتدى الفرح المسيحى - إزاي أكون خادم (1) صفات الخادم

https://upload.chjoy.com/uploads/161351558999461.jpg

الخادم مش مدرس ولا صاحب سلطة
هو مجرد موصل لصوت ربنا لمخدوميه
علشان كده في أول حلقة هيكون صفات الخادم
خ - ا - د - م
1- خالي من العيوب
ومعنى خالي من العيوب هو دائما يكون تائب قبل أن يتقدم للخدمة ومهما سقط يقوم
لو انت دعيت لحفلة لشخص مشهور أو حفل تكريم
هتلبس أفضل لبس عندك
علشان افحص نفسك قبل خدمتك لو لقيت ما يعطل خدمتك اعترف ونقي نفسك
2- أب / أم للكل
الخادم هو أب والخادمة أم لأن الخادم هو طوق النجاة لمخدومين كتير يمكن يكون فقدوا الثقة في أهاليهم
أو بيدورا على الحنان
علشان كده عزيزي الخادم كن أب وعزيزتي الخادمة كوني أم واحتوي المخدوم
3- دارس للكتاب المقدس
ان لم يمتلئ الإناء لا يمكن أن يروي العطشان
علشان كده املي نفسك بدراسة الكتاب المقدس
تكون نفسك إنجيل معاش
4- محب للجميع
كن قدوة للمخدومين بمحبتكم لهم ومحبتك لأخوتك الخدام
لو شافوا فيك المحبة هتكون صياد ماهر للمسيح
وهتقول مع عروس النشيد "اجذبني وراءك فنجري"
يعني انا انجذبت ليك في محبتي ليك يا رب وهجذب الكل معاي بمحبتي لأخوتي