لكل يوم زوّادة:
الرماد اللي بتنرسم فيه علامة الصليب عا جبينّنا كل بداية صوم بيوم اثنين الرماد بينعمل من بقايا اغصان الزيتون اللي تباركت السنة الماضية عا عيد الشعنينة.
ليش؟ ما كان فيهن يحرقو شي تاني و يصير في رماد؟
الناس استقبلو يسوع بأورشليم بأغصان الزيتون و رجع بعد 5 ايام تألّم و مات و قام، كل شي مربوط ببعضو، تذكّرو انّو ما في صُدَف بقاموس ربنا...
كرمال هيك هالرماد كأنّو صِلِة وَصِل بين الناس و يسوع و مشاركتن بمشوار آلامو من الرماد للقيامة!
بيقول اشعيا رح يجي المسيح "ليعزّي نائحي صهيون، وليمنحهم التاج بدل الرماد وزيت الفرح بدل النوح (إشعيا 61: 3).
منصلّي يا رب نستاهل نشاركك بهالطريق و نرجع نقوم معك...بيبقى نذكّركن: "متى صمتم فلا تكونوا عابسين" و صوم مبارك للكل!