منتدى الفرح المسيحى - الحنين على الناس ربنا بيكون حنين علية

https://upload.chjoy.com/uploads/161323881192671.jpg

لما بيقرب عيد الحب بفتكر علطول الراجل دا وقصتة
الراجل دا اثبت ان المراءة لا يعوزها شيئ سوى الحب 😍
ودا مش كلامى لا دا كلام كبير اوى من رب المجد نفسة !
نسمع القصة ....
فى اللحظات الاخيرة للسيد المسيح وهو على الصليب
معظم اللى واقفين ادركوا انهم غلطوا فى حقة وانة فعلا
حاجة عظيمة اوى . واى حد من اللى واقفين لو كان المسيح
طلب منة اى طلب كان هاينفذة فورا ..
بعض من التلاميذ وبعض من اغنياء الدولة وحكماء الدولة
وقائد المئة وجنود كتير اوى . ناس كتير كانوا واقفين تحت الصليب
وفى وسطهم السيدة العذراء ام يسوع ...
يسوع على الصليب شايف الكل وشايف امة
كان قدامة القوى والغنى وصاحب السلطة وكمان شاب واقف حزين
يوحنا كان مشهور بحنيتة وطيبة قلبة
لدرجة انة ديما كان بيسند راسة على صدر سيدة يسوع المسيح .
يسوع وسط كل دول اختار صاحب القلب الحنين
هو الوحيد اللى طلب منة يرعاها ويعاملها كانها امة بالظبط لانة
هايقدر يصون السيدة امة اكثر من صاحب الفلوس والقوة والسلطة
دا اللى هايحميها . دا اللى هايفرحها . دا اللى هايغنيها عن اى حاجة
دا اللى هايهتم بيها . دا اللى مش هايسبها حزينة ابدا .
دا صاحب لقب الحبيب ..
العظيم يوحنا الحبيب . وعلى فكرة عشان كدا كان رزقة واسع
وشاف اسرار كتيرة عن السماء اصل اصحاب القلوب الطيبة دول
ليهم معزة خاصة عند حبيبهم رب المجد .
الحنين على الناس ربنا بيكون حنين علية
كل سنة وانتوا طيبين