منتدى الفرح المسيحى - لو عايز رحمة يبقي متظلمش

https://upload.chjoy.com/uploads/161280402773421.jpg

بأقولك ايه؟!
بتلاحظ معايا إننا لما بنتظِلم من حد بنطلب عدالة السماء
ونطلب من ربنا يجيبلنا حَقنا من اللي ظَلمنا،
لكن لما إحنا بنِظلم حد أو بنتعدى على حقه
بنطلب من ربنا رَحمة وإنه
مايجازيناش حسب غلطتنا.. لكن حَسب رَحمته..
المشكلة إننا كتير بننسى إن الله الصالح الرحيم دا
هو كَمان عادل مع كل خَليقته وكُلنا عنده سواسية
علشان كدا لو عايز تتمتع برَحمته ونعمته ومساندته ليك
يبقى ماتظلمش غيرك وحتى لو غَصب عنك ظَلمت حد
واكتشفت دا أرجوك متكابرش.. لكن كن أمين مع نَفسك
واعترف بغَلطك ورَجع الحق لأصحابه