منتدى الفرح المسيحى - حبقوق بيشتكي لربنا من حاجتين

حبقوق بيشتكي لربنا من حاجتين و ربنا بيردّ عليه

https://upload.chjoy.com/uploads/161236935993311.jpg

أول حاجة:
- يا رب، ليه الوضع في يهوذا وصل للمرحلة الوحشة جداً دي؟ ليه الناس أهملت كتابك و مذبحك و وصاياك؟ ليه بقى فيه ظلم و فساد و عدم محبة للدرجة دي؟ و القادة للأسف سامحين بالفساد ده و مش بيحاربوه، بل هم اللي بيقودوه!
- ربنا بيرد عليه: أنا شايف الحالة الميئوس منها اللي وصل لها شعبي ... الشعب ده محتاج يتأدب و يتعاقب، و عشان كده هاستخدم مملكة بابل اللي هاتقوى على هذا الشعب و تؤدبه
تاني حاجة:
- حبقوق اتخَضّ من إجابة ربنا! قال له: يا رب، دي مملكة بابل مملكة فاسدة أكتر حتى مننا! يا رب إزاي و انت القدوس العادل، تستخدم أمة فاسدة كده؟! ... و احتار حبقوق جداً و صمّم ينتظر إجابة ربنا على السؤال ده
- و ربنا الطيب بيردّ على أولاده ... قال لحبقوق إنه الإنسان البار هيحيى بإيمانه
- و ورّاه رؤية: إن مملكة بابل هاتسقط هي كمان ... و إن الدايرة دي مستمرة (إن مملكة تتكبّر و تحتل باقي الممالك ... و ربنا يعطيها فرصة و هي تصمّم على رفض التوبة، فتأتي مملكة أخرى و تقضي عليها)
- و قال له: مش معنى إني أستخدم بابل إنّي شايفهم أبرار أو موافق على اللي هم بيعملوه