منتدى الفرح المسيحى - تأملات كمامة ضاحكة

https://upload.chjoy.com/uploads/161236778971471.jpg

(طبعا بعد ما نؤكد علي أهميتها في الوقاية من الكورونا)

تكلمت الكمامة فقالت ..

١-خبيت كل الوجوه و خليتها متشابهة ، الجميل زي الاقل جمالا و القليل او المحروم منه .. دعوة لطيفة مني لاعلاء جمال العقل و الاخلاق بدل من جمال الشكل !!

و كده انا الكمامة ابقي كمان منعت المعاكسة !!

٢-انا وسيلة "رسمية" لاخفاء حقيقة الانسان و تأكيد خصوصية .. بقي ممكن تمشي و ما حدش عارف انت مين (الا بصعوبة شديدة) .. و بكده ابعدت عنم المتلصصين و الفضوليين ..

٣-وسيلة مبتكرة للاختباء .. يعني باساعدك تنزل من بيتكم و ما حدش منكد عليك حياتك يشوفك و تضطر تقابله ، و تتعكنن !!

٤-انا طريقة جديدة للصمت للي بيرغوا و يلتوا .. بس استخدم كمامة "لاصقة " تلزق علي البق طول ما انت لابسينها ..

٥-انا كمان طريقة مبتكرة لتنظيف النظارة بالبخار .. و لو البخار كتير و سخن ممكن يساعدك علي تنضيف البشرة !!

٦-و انا وسيلة للشياكة و الزينة : املاها ورد ، خليها بمبة او فسدقي كله ماشي ..
و كمان خللي لونها ماشي مع الهدوم لزوم الاناقة ..

٧-انا وسيلة عملية لتعليق الموبايل او الشاحن بجوار فيشة الكهرباء ..

٨-برضه انا وسيلة مبتكرة للنوم في الضوء .. ارفعها شوية و غطي عينيك و نام بعمق !!

٩-و كمان انفع ضبط لاتجاهات الودان ، تخليها "مطرطقة" و تسمع كويس اللي حواليك من غير ما تستخدم ايديك..

١٠-و انفع كمان وسيلة فعالة لتنظيم سلوك سماعات الموبايل مع عليقة النضارة مع اي سلسلة او حلق ، و أحيانا فكة الفلوس ..

١١-للعيال انفع سكاتة ، و لعبة ليه لما يزهق ، و علامة علي ايده علشان ما يتوهش..

١٢-كمان انا عندي مرونة و سعة افق .. لو عندك اي استخدامت او اقتراحات ابقي اعملها و قول لي 😄 .. 😄😄