منتدى الفرح المسيحى - انتي بنت الحي انتي بنت الحياة

https://upload.chjoy.com/uploads/161149589829061.jpg

السنه دى اختصرت كل مكاسب وانجازات الحياه فى مكسب واحد مكسب يبان انه شئ طبيعى ولا يضم لقائمة الاهداف المكسب كان فى النجاه .".جسديا " من كل محاولات وترقبات الموت بس تعرفى ايه المشرف اكتر وسط كل ده .."انتى"
كل سنه " بتنجو " بنفسك وسط كل محاصرات الموت والحاحه كل نهايه سنه بتنجو من
الموت النفسى ..والمعنوى..والكيانى ..والوجودى
كل سنه كنتى بتعبرى لارض النور بنفسيه اشد ..وان رخت ليكى وعد بالقومه والثبات .. كيانك اللى يشرف كبر بعدد الازمات ومواجهات الموت فى كل لحظه مع كل الظروف ..
افتكرى فى اخر كل سنه انك مش بتعدى سنين من حياتك ..
انتى من القليلين اللى "بالكاد نجو" ..
افتخرى بقلبك اللى بيستجيب لصوت الحياه فيكى ..
افتكرى مهما كان الوضع ومهما كانت المشاعر اللى بتشكل نفسك ...انتى احدى معافرى دروب الحياه..
افتخرى بابوكى اللى رمم حطامك وقال انك للبنيان.
.افتخرى بابوكى ..اللى نشف عضمك بعد الرخاوه...
افتخرى بابوكى اللى كل يوم بينفخ فيكى اسباب للوجود..والحياه..وجر الرجلين من جديد...
افتخركى باللى فى اخر كل سكه يدب فيكى الامل انك تكملى...
افتخرى بابوكى ..اللى بيقولك فى كل يوم ..."انك مش للموت"...افتخرى ان مملكه الموت وظلمته ..تتوصم بالعار والخزى...لما بيقين تام ..تعلنى.انك "احدى الناجيين "من اسره..
انتى هنا ودلوقت مش صدفه.
..انتى هنا ودلوقت لانك بنت الحى ..انتى للحياه😍😍