هوشع خلاص الله لشعبه



https://upload.chjoy.com/uploads/161141904719331.jpg




في إصحاح 12 و 13، هوشع بيشرح لهم من التاريخ أمثلة لعدم أمانتهم المستمرة

1. يعقوب جدّهم اللي تحايل على أبيه إسحق عشان ياخد بركة اليكورية ... طبعاً قبل ما يتوب و يُصبح إسرائيل الذي صارع الله و غَلَب (إصحاح 12)
   
2. عبادتهم للعجل الذهبي عندما كان موسى يستلم الشريعة (إصحاح 13، آية 2 و 6)
   
3. اختيارهم لملك مثل باقي الشعوب ... شاول الملك اللي رغم بدايته الكويّسة، عمل كوارث بعد كده (إصحاح 13، آية 10 و 11)

إصحاح 14 بيرجع للرجاء تاني

• في إصحاح 14، هوشع قال للشعب يتوبوا لكن هو كان عارف إن توبتهم بتكون قصيرة و مش مستمرة .. بيرتدّوا تاني (إصحاح 14، آية 1 و 2)
  
• بنشوف وعد رائع من ربنا إنه هيشفي إسرائيل من الارتداد ده، و هايحبّهم بلا سبب (إصحاح 14، آية 4)
  و ده أكيد ... عشان الأنانية و الكبرياء و الارتداد و الكسر و الخطية اللي بتكون متأصّلة في قلب الإنسان تُشفى، لازم نعمة و قوة و شفاء من الطبيب الحقيقي، ربنا ... و ده اللي ربنا بيوعد بيه ... و ساعتها الإنسان هايقدر يشوف محبة ربنا ليه، و يحب ربنا في المقابل
  
• و يشبّه إسرائيل بشجرة سوسن ضربت أصول قوية في الأرض و أخرجت فروع كتيرة بتقدّم الظل و الثمار لكل الأمم (إصحاح 14، آية 5 ل 7)
  ده زي وعد ربنا لإبراهيم إنه فيه تتبارك كل قبائل الأرض
  
• بيُختم السفر بآية فيها ملخّص أو تعليق على السفر: مين حكيم يفهم الكلام ده؟ البار هايفهم و يسلك، و المنافق هايرفُض (إصحاح 14، آية 9)
  ده معناه إن الكلام صالح لكل العصور ... الله هو هو أمس و اليوم و إلى الأبد ... و الإنسان كمان هو هو على مدار الزمان ... و دايماً عنده اختيار يمشي في طريق ربنا أو بعيد عنه ... و بينما ربنا هايعاقب الخاطي اللي يرفض التوبة، ربنا دايماً يريد أن يشفي و ينقذ الإنسان من الهلاك

نتعلّم إيه؟
النهاية دايماً فيها رجاء ... رغم الخطايا و العيوب الكتير، ربنا بينقّي الإنسان برحمته و حكمته ... و يدّيله نعمة عظيمة جداً و يحوّله 180 درجة ... كل اللي علينا بس نثق فيه و نسلّمه قلوبنا و إرادتنا
يا إله المعجزات ... من غيّرت السامرية و العشّار ... خلّيني أجي لك واثق إنّك هاتشتغل بي و تغيّرني و تقبلني يا أبي الطيب